NEWS ARTICLES
Leeus klop KZN, WP wen weer
September 24, 2012
Die terugkeer van Pieter Steph du Toit vir KwaZulu-Natal se o.21-span het nie ‘n gelukkige einde gehad nie, toe die besoekers met 32-31 deur die MTN Goue Leeus geklop is.

Du Toit, een van die Junior Bokke se sterre tydens hul verowering van die Internasionale Rugbyraad se Junior Wêreldbekertoernooi, het op slot uitgedraf na hy van ‘n besering herstel het.

Die wedstryd was deurentyd op ‘n mespunt gebalanseer, met die Leeus wat 13-12 voor was met rustyd.

Albei spanne het drie keer gaan druk, met slegs ‘n ekstra suksesvolle doelskop deur die Goue Leeus wat die verskil tussen wen en verloor beteken het.

KZN het hiermee die kans verspeel om die Vodacom Blou Bulle op die punteleer van Absa se Onder-21 Provinsiale Kampioenskappe verby te steek. Die Blou Bulle, wat ‘n loslootjie gehad het, is steeds bo-aan die punteleer met 36 punte, KZN het 33 en die DHL Westelike Provinsie het 31.

Die Luiperds is tans vierde met 25 punte, die Cheetahs het 22 en die Leeus het 19, met twee rondtes oor in die reeks.

Die Luiperds het op DHL Nuweland ondanks ‘n goeie terugevegpoging in die tweede helfte twee bonuspunte in hul 39-34 nederlaag verdien.

Die Toyota Vrystaat het ook sy buitekans op ‘n halfeindstryd behou deur Grens met 29-8 in Oos-Londen te klop.

In die Eerste Liga van Absa se Provinsiale Kampioenskapsreeks is die OP Kings steeds onoorwonne en het Vrydag sy vyfde sege agtereenvolgens behaal deur Ford Pumas met 41-3 af te slag.

Die Valke het ook Regent Boland se wendroogte in die kompetisie vererger deur met 37-29 in Kempton Park te wen, terwyl die SWD Arende te sterk was vir die Griffons en hulle met 46-27 geklop.

Slegs Boland en die Griffons is nie meer in die wedloop om die uitspeelstryd te haal nie.

MATCH CENTRE
FIXTURES
     
RESULTS
     
Vodacom Super Rugby
Saturday, March 28 2015
LIVE SCORING 19:10 - Vodacom Bulls vs Crusaders
Loftus Versfeld, Pretoria
HSBC Sevens World Series Hong Kong
Sunday, March 29 2015
03:30 - Canada vs Kenya
Hong Kong Stadium
03:42 - France vs Portugal
Hong Kong Stadium
04:04 - Wales vs Belgium
Hong Kong Stadium
04:26 - Scotland vs Japan
Hong Kong Stadium
04:51 - Fiji vs England
Hong Kong Stadium
05:13 - South Africa vs Australia
Hong Kong Stadium
05:35 - USA vs Samoa
Hong Kong Stadium
05:57 - New Zealand vs Argentina
Hong Kong Stadium
06:21 - Loser Match 25 vs Loser Match 26
Hong Kong Stadium

Copyright 2011 - SARU. All Rights Reserved.