NEWS ARTICLES
Griekwas, Kings stoom voort
September 03, 2012
Die spanne van GWK Griekwas en die Kings is steeds onoorwonne na drie rondtes van Absa se Onder-21 Provinsiale Kampioenskappe (Eerste Liga).

Die span van Kimberley het sy goeie spelpeil behou teen die Regent Boland Kavaliers en ‘n belangrike oorwinning in Wellington behaal deur met 21-16 te wen. Die Kings het die Valke met 46-14 in Kempton Park geklop, terwyl die Ford Pumas ook op die wenpad kon bly met hul sege van 32-27 teen SWD in Nelspruit.

Op die Hugenote-veld in Wellington het die tuisspan aanvanklik voorgeloop danksy twee strafdoele deur Ashley Esau, maar ‘n verdoelde drie deur Griekwas in die 25ste minuut het die bordjies tot rustyd verhang.

In die tweede helfte het Boland weer die voortou geneem toe Esau ‘n drie deur regtervleuel Lesley Gertse verdoel het. ‘n Strafdoel deur Hagen Mumba het die voorsprong na 16-7 gerek. ‘n Geelkaart teen Lukas Steenkamp het egter die Boland met 14 spelers in die laaste tien minute gelaat en danksy verdoele drieë deur Visser Vermaas en Martin Knoetze kon Griekwas die numeriese voordeel tot eie gewin uitbuit.

Die Kings het veral in die tweede helfte die krane teen die Valke oopgedraai. Hulle was 17-7 voor rustyd met Arafat Kock se drie vir die Valke ‘n ligpunt vir die tuisskare, maar die tweede helfte was daar slegs een span op die veld.

Die Kings het sewe drieë gedruk, met sy puntemasjien Kayle van Zyl wat ‘n vyfpunter, doelskop en strafdoel by sy totaal vir die seisoen gevoeg het.

In Nelspruit het die Pumas skitterend teruggeveg deur die Arende te klop. Die besoekers was 20-10 voor met rustyd. Die Pumas was aanvanklik 10-0 voor, maar twee verdoelde drieë net voor die rustyd met skielik die momentum in die wedstryd verander.

Die tuisspan het egter danksy vyfpunters deur Cornè Rautenbach en Kulu Ngozo weer die voortou geneem en toe Malcolm Moore ook gaan druk in die 76ste minuut was die uitslag bo alle twyfel.

Jerome Fillies het in die doodsnikke weer vir die Kavaliers oorgeduik en danksy Keanin Esau se doelskop kon die besoekers met ‘n bonuspunt terugkeer huistoe.

MATCH CENTRE
FIXTURES
     
RESULTS
     
2015 Western Province Super League
Wednesday, May 06 2015
21:00 - FNB UCT vs FNB Victorians
21:00 - FNB Maties vs Belhar
2015 Eastern Province Grand Challenge
21:30 - FNB NMMU vs PE Crusaders
Vodacom Super Rugby
Friday, May 08 2015
09:35 - Crusaders vs Reds
AMI Stadium, Addington, Christchurch
11:40 - Rebels vs Blues
AAMI Park, Melbourne
Vodacom Cup
15:00 - Griffons vs Golden Lions
HT Pelatona Projects Stadium, Welkom
19:00 - EP Kings vs Sharks XV
Nelson Mandela Bay Stadium, PE
20:00 - Welwitschias vs Leopards XV
Hage Geingob Stadium, Windhoek
2015 Golden Lions Pirates Grand Challenge
21:00 - FNB Wits vs FNB UJ
2015 Western Province Super League
21:00 - Durbell vs Primrose

Copyright 2011 - SARU. All Rights Reserved.