NEWS ARTICLES
Leeus klop KZN, WP wen weer
September 24, 2012
Die terugkeer van Pieter Steph du Toit vir KwaZulu-Natal se o.21-span het nie ‘n gelukkige einde gehad nie, toe die besoekers met 32-31 deur die MTN Goue Leeus geklop is.

Du Toit, een van die Junior Bokke se sterre tydens hul verowering van die Internasionale Rugbyraad se Junior Wêreldbekertoernooi, het op slot uitgedraf na hy van ‘n besering herstel het.

Die wedstryd was deurentyd op ‘n mespunt gebalanseer, met die Leeus wat 13-12 voor was met rustyd.

Albei spanne het drie keer gaan druk, met slegs ‘n ekstra suksesvolle doelskop deur die Goue Leeus wat die verskil tussen wen en verloor beteken het.

KZN het hiermee die kans verspeel om die Vodacom Blou Bulle op die punteleer van Absa se Onder-21 Provinsiale Kampioenskappe verby te steek. Die Blou Bulle, wat ‘n loslootjie gehad het, is steeds bo-aan die punteleer met 36 punte, KZN het 33 en die DHL Westelike Provinsie het 31.

Die Luiperds is tans vierde met 25 punte, die Cheetahs het 22 en die Leeus het 19, met twee rondtes oor in die reeks.

Die Luiperds het op DHL Nuweland ondanks ‘n goeie terugevegpoging in die tweede helfte twee bonuspunte in hul 39-34 nederlaag verdien.

Die Toyota Vrystaat het ook sy buitekans op ‘n halfeindstryd behou deur Grens met 29-8 in Oos-Londen te klop.

In die Eerste Liga van Absa se Provinsiale Kampioenskapsreeks is die OP Kings steeds onoorwonne en het Vrydag sy vyfde sege agtereenvolgens behaal deur Ford Pumas met 41-3 af te slag.

Die Valke het ook Regent Boland se wendroogte in die kompetisie vererger deur met 37-29 in Kempton Park te wen, terwyl die SWD Arende te sterk was vir die Griffons en hulle met 46-27 geklop.

Slegs Boland en die Griffons is nie meer in die wedloop om die uitspeelstryd te haal nie.

MATCH CENTRE
FIXTURES
     
RESULTS
     
Absa Under 19 Competition
Friday, August 01 2014
13:45 - Blue Bulls U19 vs Free State U19
Loftus Versfeld, Pretoria
15:15 - Sharks U19 vs Golden Lions U19
Woodburn Stadium, Pmbg
Absa Under 21 Competition
15:30 - Blue Bulls U21 vs Free State U21
Loftus Versfeld, Pretoria
IRB Women's Rugby World Cup
15:45 - Australia vs South Africa
Marcoussis 1, Paris, France
Absa Under 21 Competition
17:00 - Sharks U21 vs Golden Lions U21
Woodburn Stadium, Pmbg
2015 Community Cup Qualifying - Limpopo Boet Fick & Waterberg Leagues
20:00 - Potgietersrus vs Northam
2015 Community Cup Qualifying - Border Super League
21:00 - Old Selbornians vs All Blacks
Kempston Park, East London
Absa Under 19 Competition
Saturday, August 02 2014
11:00 - Leopards U19 vs EP Kings U19
Profert Olen Park, Potch
Vodacom Super Rugby
11:40 - Waratahs vs Crusaders
ANZ Stadium, Sydney
Absa Under 21 Competition
12:30 - Leopards U21 vs Border U21
Profert Olen Park, Potch

Copyright 2011 - SARU. All Rights Reserved.